Asrama dan Kelas ku

TUGAS USTADZ ANDI 

Oleh: MUHAMMAD ALFIYADI KHAIRUN IBRAHIM AKHSAY ( VIII ) 2018/2019 

Assalamu'alaikum wr.wb., nama ulun Muhammad Alfiyadi Khairun Ibrahim Akhsay lahir di Banjarmasin pada tanggal 7 Februari 2004, pendidikan pertama ulun langsung berasal dari orangtua, saat lulus Madrasah Ibtidaiyah, ulun melanjutkan pendidikan ke Madrasah Tsanawiyah namun hanya sampai kelas 7 setelah itu pindah ke Pondok Tahfizh bernama Amanah Umat. Jadi sebenarnya Ust.Andi menyuruh mengisahkan tentang asrama dan kelas masing-masing, supaya kd tapi panjang ceritanya ulun persingkat haja langsung. Ulun masuk ke pondok dapat asrama nomor 4 lawan langsung kelas 8, jadi ulun kd tapi tau sejarah kekawanan ulun sebelum kelas 8. Dimulai dari asrama dulu nah, jadi asrama ulun tuh pertama masuk anggotanya Ulun, Maulana, Ahsan, Ridho, Fathur, lawan Faidur nang pembina pertamanya Ust.Akhyar. Pas zaman kepembinaan sidin ngini buhan kami dasar luar biasa disiplin, kami bangun pas tahajjud langsung suruh sidin piket, kadang kd bepiketan tapi bangunnya waktu sahur untung kami kd dihukum, selesai piket kamar langsung dikunci kdd dibuka lagi sampai siang, habis dzuhur kamar dikunci pulang sampai sore, dibuka sejam setangah habistu dikunci pulang sampai tuntung halaqah malam, nang mantapnya lagi sampai maulah kawan ulun kd kuat iman lawan sidin ialah pintu depan kd tepakai. Setelah berjalan kurang lebih satu bulan, kawan ulun Maulana lawan Ahsan kd tahan buhannya pindah kamar digantikan lawan Madani lawan murid hanyar ngarannya Bang Anshari, bang Anshari kd tahan jua pindah lagi lawan kdd yg menggantiakan. Singkat cerita ( karena ulun kd ingat lagi ky apa kisah selanjutnya, jadi ulun luncat sementara ulun meingati ), diinvite lagi dua orang ngarannya Ilham lawan Salahuddin dan Alhamdulillah buhannya ngini bertahan sampai akhirnya entah kenapa Ust. Akhyar diturunkan dan Ust. Yusri naik takhta, tapi kenapakah pulang Ust. Yusri diganti padahal hanyar dua minggu kami merasai Ust. Yusri langsung diganti lawan Bang Rija, awal-awal kami kira ngalih Bang Rija nih tapi ternyata kurang labih haja lawan Ust. Yusri. Nah itulah sejarah singkat tentang kamar 4 sampai sekarang, mun kedepannya balum pang lagi entah ky pa kh kena? Tentang kelas ulun pulang, jadi awal-awal ulun masuk anggotanya Ulun ( karna hanyar masuk nih, jadi ulun buat ai ), Juhfa ( bedahulu kenalan lawan ulun ), Rizki ( Amang Irus jar urang tu, kenalan imbaian Juhfa ), Ahsan, Maulana, Ridho, Fathur, Faidur, Madani, Renaldy, Afsal, Akram, Aliy ( Palui ), Hakim, lawan Rifqi ( Bom-Bom, paling bedudi kenalnya lawan seikung ngini ) nang muhaffizh pertamanya Ust. Ali Malaysia, kedua Ust. Asbudi, Ketiga Ust. Ali Ambon, keempat Ust. Yasir. Semester pertama masih lengkap haja kekawanan ulun, pas semester kedua bekurang tiga ( Amang Irus, Juhfa, lawan Aliy ) betambah satu ( ngarannya Ja’far Shadiq ). Kdd nang kawa ulun kisahkan nah, pokoknya ky itu pang dah ceritanya. Demikianlah tugas nang dapat ulun gawi, mun ada salah kata ulun minta maaf, mun ada nang tesinggung ulun minta maaf jua soalnya Ust. Andi menyuruh bekisah sejujur-jujur-jujur-jujur-jujur-jujur-jujur-jujurnya, ky tu pang dah kisah nang ulun ingat. Untuk menutup kata ulun tutup dengan hamdalah ( Alhamdulillahi Rabbil ‘Alamin ). SEKIAN DARI ULUN, WASSALAMU ‘ALAIKUM WARAHMATULLAHI WABARAKATUH